Xelat & Dadwer:
Festîvala Navdewletî ya Kurtefilman a Hewlêrê bi şanazî xelatên xwe yên çalakiyên îsal radigihîne. Di vê festîvalê de bi giştî 7 xelatên bi nav û deng têne dayîn ku ji van xelatên xwarê pêk tên:
Xelata Kurtefilman ji bo Beşa Navdewletî:
– Baştirîn Filmê Kurt ê Anîmasyon yê Navdewletî: Ev xelat ji bo anîmasyonê kurt e ku di asteke pêşketî de dahênankirî ye.
– Baştirîn Filmê Kurt yê Dokumentarî yê Navdewletî: Ev xelat ji bo wî filmî ye ku behsa çîrokeke nû bi awayekî bi bandor dike.
– Baştirîn Filmê Kurt ê Navdewletî: Ev xelat ji bo wî kurtefilmî ye ku nirxê wî yê sînemayî û hunerî di asteke bilind de ye û dahênan tê de hatibe kirin.
– Baştirîn Derhênera Kurd:
Ev xelat ji bo wê jina sînemakar a behremend e ku bi awayekî çalak di warê dahênanê de dixebite û bi awayekî berçav di filmsaziyê de beşdar e.
– Baştirîn Filmê Kurt ê Anîmasyon ê Kurdî: Ev xelat ji bo wî kurte anîmasyonê ku girîngiyê bi kultûr û civaka kurdî dide û di form û naveroka xwe de, dahênaneke sînemayî kiriye.
– Baştirîn Filmê Kurt ê Dokumentarî yê Kurdî: Baştirîn filmê dokumentarî ye ku behsa babeteke kûr û watedar bi formeke dahênerane dike û pîvanên sînemayî yên hevçerx li ber çavan digire.
– Baştirîn Filmê Kurt ê Kurdî: Ev xelat rêzê li filmê kurt ê kurdî yê herî balkêş digire ku ji aliyê sînemakarên kurd ve hatiye berhemanîn û tê de dewlemendiya kultûra civaka kurdî nîşan daye.
Em hemû sînemakaran li Kurdistan û seranserê cîhanê vedixwînin da ku di festîvalê de beşdar bibin û hevrikiyê li ser van xelatên ku li serê hatine behskirin, bikin. Bê guman bidestxsitina armancên vê festîvalê weke destkeftekê ye ku huner û sînema kurdî sûdê jê bibînin.
Di Festîvala Navdewletî ya Kurtefilman a Hewlêrê de li gel me bin, ji bo em şahiyê bikin û rêzê li wan sînemakaran bigirin ku çîrokan tînin ser ekranên mezin ên sînemayê
